his hevynesse[FN#545] shall turne in to joy; and if he be povere,[FN#546] he shal be made riche; and if he hath lost anything, he shall fynde hit ayen with grete joy.  And when the knyght herd this, he was glad and blith, and thought in him self, “I am in grete hevynesse and poverte, for I have lost all that I had, and by this stone I shal recovere all ayen, whether hit be so or no, God wote!” Aftir, when he must go to bataile of the emperour he gadrid togidre[FN#547] all the oste, and among them he found two yong knyghtis, semely in harneis,[FN#548] and wele i-shape, the which he hired for to go with him yn bataill of the emperour.  And when thei were in the bataill, there was not oon in all the batail that did so doutely,[FN#549] as did tho[FN#550] two knyghtis that he hired; and therof this knyght, maister of the ost, was hily gladid.  When the bataill was y-do,[FN#551] tines two yong knyghtes yede to her oste[FN#552] in the cite; and as they sat to-gidir, the elder seid to the yonger, “Dere freed, hit is long sithen[FN#553] that we were felawys,[FN#554] and we have grete grace of God,for in everybatailwe have the victory; and therfore I pray you, telle me of what contre ye were ybore, and in what nacion?  For I askid never this of the or now; and if thou wilt telle me soth,[FN#555] I shall telle my kynrede and where I was borne.”  And when oo felawe spak thus to the othir, a faire lady was loggid[FN#556] in the same ostry;[FN#557] and when she herd the elder knyght speke, she herkened to him; but she knew neither of hem,[FN#558] and yit she was modir of both, and wyf of the maister of the oste,[FN#559] the which also the maister of the shippe withheld for ship hire, but ever God kept her fro synne.  Then spake the yonger knyght, “Forsoth, good man, I note[FN#560] who was my fader or who was my modir, ne[FN#561] in what stede[FN#562] I was borne, but I have this wele in mynde that my fader was a knyght, and that he bare me over the water, and left my eldir brothir in the fond; and as he passid over ayen to fecche him, there come a lion, and toke me up but a man of the cite come with houndis, and when he saw him, he made him to leve me with his houndis."[FN#563] “Now sothly,” quod that othir, “and in the same maner hit happid vith me.  For I was the sone of a knyght, and had only a brothir; and my fader brought me and my brothir, and my modir, over the see toward the emperour; and for my fader had not to pay to the maister of the ship for the fraught, he left my modir to wed; and then my fader toke me with my yong brothir, and brought us on his teak, and in his armys, tyll that we come unto a water, and there left me in a side of the water, and bare over my yong brothir; and or my fader myght come to me ayene, to bare me over, ther come a bere, and bore me to wode;[FN#564] and the people that saw him, make grete cry, and for fere the bere let me falle, and so with thelke[FN#565] poeple I duellid x. yere, and ther I was y-norisshed.”  When the modir herd tines wordis, she seid, “Withoute