over.  When thei come to londe, the maister of the shippe asked of the knyght his hire for his passage, for him, and for his wif and for his two childryn.  “Dere freed,” said the knyght to him, “dere freed, suffre me, and thou shalt have all thyn, for I go now to the feste of the emperour, where I trust to have the victory in turnement, and then thou shalt be wele ypaied.”  “Nay, by the feith that I owe to the emperour,” quod that other, “hit shal not be so, for but if [FN#532] you pay now, I shal horde thi wif to wed,[FN#533] tyll tyme that I be paled fully my salary.”  And he seid that for he desired the love of the lady.  Tho the knyght profren his two childryn to wed, so that he myght have his wif; and the shipman seid, “Nay, such wordis beth[FN#534] vayn, for,” quod he, “or[FN#535] I wol have my mede, or els I wolle horde thi wif.”  So the knyght lefte his wif with him, and kyst her with bitter teris; and toke the two childryn, scil. oon on his arme, and that othir in his nek, and so he yede forth to the turnement.  Aftir, the maister of the shippe wolde have layn by the lady, but she denyed hit, and seid, that she had lever dey[FN#536] than consente therto.  So within short tyme, the maister drew to a fer[FN#537] fond, and there he deied; and the lady beggid her brede fro core to core, and knew not in what fond her husbond was duellinge.  The knyght was gon toward the paleis, and at the last he come by a depe water, that was impossible to be passid, but[FN#538] hit were in certein tyme, when hit was at the lowist.  The knyght sette doun oo[FN#539] child, and bare the othir over the water; and aftir that he come ayen[FN#540] to fecche over the othir, but or[FN#541] he myght come to him, there come a lion, and bare him awey to the forest.  The knyght pursued aftir, but he myght not come to the lion, and then he wept bitterly, and yede ayen over the water to the othir child, and or he were ycome, a bere had take the child, and ran therwith to the forest.  When the knyght saw that, sore he wepte, and seid, “Alias! that ever I was bore, for now have I lost wif and childryn.  O thou brid! thi song that was so swete is yturned in to grete sorowe, and hath ytake away myrth fro my hert.”  Aftir this he turned toward the feste, and made him redy toward the turnement, and there he bare him so manly, and so doutely in the turnement and that twies or thries, that he wan the victory, and worship, and wynnyng of that day.  For the emperour hily avauncid him, and made him maister of his oste,[FN#542] and commaundid that all shuld obey to him, and he encresid, and aros from day to day in honure and richesse.  And he went aftirward in a certain day in the cite, [and] he found a precious stone, colourid with thre maner of colours, as in oo partie[FN#542] white, in an othir partie red, and in the thrid partie blak.  Anon he went to a lapidary, that was expert in the vertue of stonys; and he seid, that the vertue of thilke[FN#544] stone was this, who so ever berith the stone upon him,