et nostro gaudio.  Locus situs est in Newfoundlandia, inter 47. et 48. gradum, Diuum Ioannem vocant.  Ipse Admiralius proter multitudinem hominum et angustiam nauis paulo afflictiorem comitatum habuit et iam duos dysentericis fioloribus amisit:  de caeteris bona spes est.  Ex nostris (nam ego me Mauricio Browno vere generoso iuueni me coniunxeram) duo etiam casu quodam submersi sunt.  Caeteri salui et longe firmiores.  Ego nunquam sanior.  In hunc locum tertio Augusti appulimus:  quinto autem ipse Admiralius has regiones in suam et regni Angliae possessionem potestatemque vendicauit, latis quibusdam legibus de religione et obsequio Reginae Angliae.  Reficimur hoc tempore paulo hilarius et lautius.  Certe enim et qualibus ventis vsi simus, et quam fessi esse potuerimus tam longi temporis ratio docuerit, proinde nihil nobis deerit.  Nam extra Anglos, 20 circiter naues Lusitanicas et Hispanicas nacti in hoc loco sumus:  eae nobis impares non patientur nas esurire.  Angli etsi satis firmi, et a nobis tuli, authoritate regij diplomatis omni obsequio et humanitate prosequuntur.  Nunc narrandi erant mores, regiones, et populi.  Caeterum quid narrem mi Hakluyte, quando praeter solitudinem nihil video?  Piscium inexhausta copia:  inde huc commeantibus magnus quaestus.  Vix hamus fumdum attigit, illico insigni aliquo onustus est.  Terra vniuersa [Marginal note:  In the south side of Newefoundland, there is store of plaine and champion Countrey, as Richard Clarke found.] montana et syluestris:  arbores vt plurimum pinus:  ex partim consenuere, partim nunc adolescunt:  magna pars vetustate collapsa, et aspectum terrae, et iter euntium ita impedit, vt nusquam progredi liceat.  Herbae omnes procerae:  sed raro a nostris diuersae.  Natura videtur velle niti etiam ad generandum frumentum.  Inueni enim gramina, et spicas in similitudinem secales:  et facile cultura et satione in vsum humanum assuefieri posse videntur.  Rubi in syluis vel potius fraga arborescentia magna suauitate.  Vrsi circa tuguria nonnunquam apparent, et conficiuntur:  sed albi sunt, vt mihi ex peliibus coniicere licuit, et minores quam nostri.  Populus an vllus sit in hac regione incertum est:  Nec vllum vidi qui testari posset.  Et quis quaeso posset, cum ad longum progredi non liceat?  Nee minus ignotum est an aliquid metalli sub sit montibus.  Causa eadem est, etsi aspectus eorum mineras latentes prae se ferat.  Nos Admiralio authores fuimus syluas incendere, quo ad inspiciendam regionem spacium pateret:  nec displicebat illi consilium, si non magnum incommodum allaturum videretur. [Sidenote:  The great heate of the sunne in summer.] Confirmatum est enim ab idoneis hominibus, cum casu quopiam in alia nescio qua statione id accidisset, septennium totum pisces non comparuisse, ex acerbata maris vnda ex terebynthina, quae conflagrantibus arboribus per riuulos defluebat.  Coelum hoc anni tempore ita feruidum est, vt nisi pisces, qui arefiunt ad solem, assidui inuertantur, ab adustione defendi non