2.  They hadna been a week from her,
          A week but barely ane,
        When word came to the carlin[118] wife
          That her three sons were gane.

     3.  They hadna been a week from her,
          A week but barely three,
        When word came to the carlin wife
          That her sons she’d never see.

     4.  “I wish the wind may never cease,
          Nor fashes[119] in the flood,
        Till my three sons come hame to me,
          In earthly flesh and blood.”

     5.  It fell about the Martinmass[120],
          When nights are lang and mirk,
        The carlin wife’s three sons came hame,
          And their hats were o’ the birk[121].

     6.  It neither grew in syke[122] nor ditch,
          Nor yet in ony sheugh[123],
        But at the gates o’ Paradise,
          That birk grew fair eneugh.

* * * * *

     7.  “Blow up the fire, my maidens! 
          Bring water from the well! 
        For a’ my house shall feast this night,
          Since my three sons are well.”

     8.  And she has made to them a bed,
          She’s made it large and wide,
        And she’s ta’en her mantle her about,
          Sat down at the bed-side.

* * * * *

9.  Up then crew the red, red cock[124],
And up and crew the gray;
The eldest to the youngest said,
“’Tis time we were away.”

10.  The cock he hadna craw’d but once,
And clapp’d his wing at a’,
When the youngest to the eldest said,
“Brother, we must awa’.”

11.  “The cock doth craw, the day doth daw. 
The channerin[125] worm doth chide;
Gin we be mist out o’ our place,
A sair pain we maun bide.”

12.  “Fare ye weel, my mother dear! 
Fareweel to barn and byre! 
And fare ye weel, the bonny lass
That kindles my mother’s fire!”

[Footnote 118:  Old woman.]

[Footnote 119:  Lockhart’s clever emendation for the fishes
of the Ms. Fashes = disturbances, storms.]

[Footnote 120:  November 11th.  Another version gives the time
as “the hallow days of Yule.”]

[Footnote 121:  Birch.]

     [Footnote 122:  Marsh.]

     [Footnote 123:  Furrow, ditch.]

[Footnote 124:  In folk-lore, the break of day is announced to demons and ghosts by three cocks,—­usually a white, a red, and a black; but the colors, and even the numbers, vary.  At the third crow, the ghosts must vanish.  This applies to guilty and innocent alike; of course, the sons are “spirits of health.”]

     [Footnote 125:  Fretting.]

     SWEET WILLIAM’S GHOST

     1.  Whan bells war rung, an mass was sung,
          A wat[126] a’ man to bed were gone,
        Clark Sanders came to Margret’s window,
          With mony a sad sigh and groan.