quibus opposita leviter adhaerentia, filiformia glabra teretia:  Antherae stantes, ante dehiscentiam lineares obtusae filamento paulo latiores, defloratae subulatae vix crassitie filamenti, loculis parallelo-contiguis connectivo dorsali angusto adnatis, axi ventrali longitudinaliter dehiscentibus, lobulis baseos brevibus acutis subadnatis:  Pollen simplex breve ovale laeve.  Pistillum:  Ovarium sessile disco nullo squamulisve cinctum, lanceolatum trigono-anceps villosum, triloculare, loculis monospermis.  Ovula erecta fundo anguli interioris loculi paulo supra basin suam inserta, obovata lenticulari-compressa, aptera:  Testa in ipsa basi acutiuscula foramine minuto perforata:  Membrana interna respectu testae inversa, hujusce nempe apici lata basi inserta, ovata apice angustato aperto foramen testae obturante:  Nucleus cavitate membranae conformis, ejusdem basi insertus, caeterum liber, pulposus solidus, apice acutiusculo laevi aperturam membranae internae attingente.  Stylus trigonus strictus, infra villosus, dimidio superiore glabro, altitudine staminum, iisdem paulo praecocior, exsertus nempe dum illa adhuc inclusa.  Stigmata tria brevissima acuta denticuliformia.  Pericarpium exsuccum, indehiscens, villosum, basi styli aristatum, perianthio scarioso et filamentis emarcidis cinctum, abortione monospermum.  Semen turgidum obovatum retusum, integumento (testa) simplici membranaceo aqueo-pallido, bine (intus) fere a basi acutiuscula, raphe fusca verticem retusum attingente ibique in chalazam parvam concolorem ampliata.  Albumen semini conforme dense carnosum album.  Embryo monocotyledoneus, aqueo-pallidus subglobosus, extremitate inferiore (radiculari) acuta, in ipsa basi seminis situs, semi-immersus, nec albumine omnino inclusus.

Table C. figure 1.  Kingiae australis pedunculus capitulo florido terminatus; figure 2, capitulum fructiferum; 3, sectio transversalis pedunculi:  4, folium:  hae magnitudine naturali, sequentes omnes plus minus auctae sunt; 5, flos; 6, stamen; 7, anthera antice et, 8, eadem postice visa; 9, pistillum; 10, ovarii sectio transversalis; 11, ejusdem portio longitudinaliter secta exhibens ovulum adscendens cavitatem loculi replens; 12, ovulum ita longitudinaliter sectum ut membrana interna solummodo ejusque insertio in apice cavitatis testae visa sit; 13, ovuli sectio longitudinalis profundius ducta exhibens membranam internam et nucleum ex ejusdem basi ortum; 14, bracteae capituli fructiferi; 15, pericarpium perianthio filamentisque persistentibus cinctum; 16, pericarpium perianthio avulso filamentorum basibus relictis; 17, semen.

OBS. 1.

It remains to be ascertained, whether in this genus a resin is secreted by the bases of the lower leaves, as in Xanthorrhoea; and whether, which is probable, it agrees also in the internal structure of its stem with that genus.  In Xanthorrhoea the direction of fibres or vessels of the caudex seems at first sight to resemble in some degree the dicotyledonous arrangement, but in reality much more nearly approaches to that of Dracaena draco, allowance being made for the greater number, and extreme narrowness of leaves, to which all the radiating vessels belong.*